وش كنّا نقول؟ - بودكاست
Podcast

وش كنّا نقول؟

ثمانية
Personal Journals
0 Plays

بودكاست أسبوعي غير مفيد. يجلس فيه عبادي وأسامة بازيد جلسة حبيّة، يسولفون فيها عن أحداث الأسبوع الماضي من وجهة نظرهم الشخصية وخيالهم الواسع. ما بتطلع منه بمعلومة لكن بيوسع صدرك!

آخر الحلقات

تتجرأ تصير أول واحد يشتّي؟

18 نوفمبر 2026
1:27:47

متى تعلن دخول الشتاء رسميًا؟ هل تنتظر أحد يسبقك ويطلّع فروته عشان ما تكون أنت أول واحد؟ نقدر نقول أن حلقة هالأسبوع مليانة عُمق ووجهات نظر؛ لعلّ مكينة «إكسبلوم» الجديدة من محمصة الرياض خلّتهم حكماء. سولفوا عن الثياب الشتوية مع تحرّيات عبادي الزعاق عن موسم الشتاء هالعام، بعدها حوّلوا على الغموض في العلاقات، وتناقشوا في فلم «ذا دراما» (The Drama) وكيف ممكن كشف الماضي يؤثر سلبًا. حلّوا في فقرة «خدمة العملاء» مشكلة وحدة في الثانوي خايفة من المستقبل، ومشكلة واحد خويه يستفزّه، وواحد مبتلى بزملاء عمل نظ…

أخرج العملاق الذي بداخلك مع عبدالعزيز الهديان

11 نوفمبر 2026
1:33:09

لو صاحبك انشقّ عن مجموعة التمرين وراح مع مجموعة ثانية، تسامحه ولّا تعتبرها خيانة؟ استضفنا صديقنا عبدالعزيز الهديان، ضحية الانشقاق في مجموعة تمرين الكورة، عشان نسمع القصة من وجهة نظره بعد ما شبه انهارت علاقته بأسامة. بدأوا الحلقة بتفاصيل انشقاق أسامة عن مجموعة التمرين اللي كان فيها عبدالعزيز، ثم قالوا قصة بداية علاقتهم وكيف تعرّفوا على بعض في ليلة «كلوز مايك». سولفوا عن المكمّلات مثل المغنيسيوم والأشوقندا، وأثرها على المواقف اللي تعصّبك، مثل مواجهتك للناس اللي ما يحترمون وقتك. ثم حوّلوا على فلسفة…

تسافر بالطيارة ولّا تمسك خط بالسيارة؟

04 نوفمبر 2026
1:47:57

نقدر نقول إنها حلقة مليانة عشوائيات وحِكم؟ وفيها عنصر مهم مفقود.. إذا لقيتوه رجّعوه للبودكاست. بدأ عبادي وأسامة الحلقة بفلسفة «من كل بحر قطرة»، وأن الواحد لازم يكتسب شوي من كل مجال، ثم سولفوا عن مدة صلاحية الميمز، وكيف يعيش الميم أو الرياكشن ويتداوله الناس لين يطلع له بديل ياخذ مكانه. بعدها حوّلوا على وسائل النقل وأهمية السيارة والقطار والسفينة والطيارة في العالم، وتجادلوا أيّها أفضل للسفر، ومن هنا جابوا طاري محطات الطريق وسفرات الخطوط. وتكلموا عن تغيّب عبادي عن مسرحية حسن البلام، وجلس يبرّر ربع…

طقوس موسم الوسم مع أبو حمدان

28 أكتوبر 2026
2:03:01

تطلع الفجر بجاكيت، وترجع الظهر تدوّر على المكيف، وتجي العصر تشتهي شويهي؟ أنت رسميًا في موسم الوسم. سولفنا مع ضيفنا أبو حمدان عن طقوس وجداول موسم الوسم، من نسانيس الفجر لحرّ الظهر واعتدال الجو في الليل، وأعلنوا رسميًا دخول وقت الشاهي بالحليب وسخانة المويه والكشتات، ثم سولفوا عن قصة أبو حمدان لمّا نشب بسيارته في مواقف المعيقلية وقت «شتاء الديرة»، وكيف فزع له عبادي وطلّعه منها. أما الخبر الأهم، فهو عودة العلاقات بين عبادي وإيلون ماسك بعد القطعة الطويلة، وتسريبات خطيرة سرّية عن سيارة تسلا «رودستر» (…

هل اسمك يحدد شكلك؟

21 أكتوبر 2026
1:55:17

لو سمعت اسم «خالد»، غالبًا جت في بالك صورة معيّنة وحكمت على شخصيته حكم مبدئي.. مب عنصرية لكن هذي اللي يسمّونها «الصورة النمطية». بدأت الحلقة بتتويج «حلتيته» جديد: أسامة بازيد، وحاول عبادي يبعد التهمة عنه وسلّط الضوء -فوق ما هو مسلّط- على حبّة في جبهته، والحبوب عمومًا اللي تطلع قبل المناسبة بيوم. سولفوا عن أول وظائفهم: عبادي في قسم الأجبان بسوبرماركت، وأسامة في مقهى «د. كيف»، وعلّمنا من تجربته وين تروح المأكولات الزايدة آخر اليوم. فتحوا بعدها نقاش إذا عادي تذوق منتج وتمشي بدون ما تشتري؟ وهل نفخ ا…

الغالي سعره فيه والرخيص مخيس؟ مع التوأم المهندسين

14 أكتوبر 2026
1:40:49

كم مرة طلبت شيء ما تحتاجه، بس عشان الهدية المجانية اللي معه؟ استضفنا التوأم المهندسين عبدالله ومحمد الدهامي، المعروفين بـ«ترك المهندسين» من فريق «أو جي» (OG)، واللي لو بدّلوا أماكنهم في نص الحلقة ما انتبهنا. بدأت الحلقة بسالفة مقاطع «يوم جديد ويد جديدة» مع سام 6، والطباعة ثلاثية الأبعاد. ثم حوّلوا على الإعلانات اللي تبيع لك عطر وتعطيك معه بيت أو سيارة أو آيفون مجانًا، وإغراء الأسعار قبل وبعد. وتكلموا عن المكانس الكهربائية بين الغالي والرخيص، والرخيصة منها اللي توصّخ أكثر مما تنظّف. بعدها سولفوا …

عندك مشكلة مع التعفّن الدماغي؟

07 أكتوبر 2026
1:25:36

التعفّن الدماغي مشكلة.. يخلّيك ما تكمّل متابعة مقطع طويل، ودايم تبي اللي بعده. فما ودنا نطوّلها عليك.. هالمرة الحلقة بدون وصف؛ للمتعفنين دماغيًا أولًا، ثم ثانيًا لكشفكم هل تقرون الوصف ولّا لا؟ 🤨 اللي من «أهل البودكاست» على قولة عبادي، أو «أصدقاء البودكاست» على قولة أسامة، ويقرأ وصف الحلقات دائمًا، يعلّمنا في التعليقات ويثبت وجوده عشان نصفّق لكم في الحلقة الجاية. -ومرة وحدة يمدح اللي يكتب الوصف لو كنتم مب متعفنين دماغيًا وعندكم وقت للتعبير، وشوفوني أعطيكم حرية الرأي.- — جهّز ضحكتك واحجز مقعدك في…

ذكريات الكامري وسيارة «سير» السعودية مع أوس النفيعي

30 سبتمبر 2026
1:52:18

كل واحد فينا له قصة مع سيارة حوض، أو كرسيدا أبوه، أو كامري العائلة المتوارثة. سولفوا الشباب مع الكوميديان الرهيب أوس النفيعي، عن السيارات القديمة من الكراون فكتوريا لين أول سيارة ساقها كل واحد منهم، ثم حوّلوا على السيارات الغريبة، مثل هيونداي إتش 1 وفان ستروين، ثم تجادلوا عن الجلسة عكس السير في المترو والقطار تدوّخ صدق، ولّا بس كيس؟ تناقشوا عن سيارة «سير» الكهربائية السعودية الجديدة، والمزايا اللي فيها مثل مكتبة الألعاب، ثم جابوا طاري باقي السيارات مثل تسلا وبي واي دي والسيارات الصينية. تكلموا ع…

هل الصدفة خير من ألف ميعاد؟

23 سبتمبر 2026
1:35:33

هل عندك خطط للاحتفال باليوم الوطني؟ أو زي ما تجي تجي؟ حلقة اليوم عن الصدفة والتخطيط، وبين محاسن الصدف وترتيب المواعيد، والفرق بين الصدفة والحظ. سولفوا عن آلة القهوة «إكسبلوم» واتهموها أنها تتنصّت وتصوّر، ثم سولفوا عن الاختراعات والأشياء اللي جت بالصدفة، مثل قصة اكتشاف القهوة، وقصة اختراع القلم، بعدها حوّلوا على جماعة العفوية وجماعة الحلتيته، وختموها بعقابات الأطفال والأنظمة القسرية اللي تمشي عليهم، مثل سحب البلايستيشن، ووقت النوم الإجباري. وسرّبنا خبر محد يدري عنه، إلّا اللي بيسمعه في الحلقة. -ج…

دور الأخ الكبير في التربية مع محمد بازيد

16 سبتمبر 2026
1:45:16

يقولون الأخ الكبير له دور في التربية، أو له دور بس، أو تربية بس.. ما ندري، لكن استضفنا الأخ الكبير القدير محمد بازيد عشان نعرف. بدأت الحلقة بعشوائية سوالف ما بين هبّة عبادي في الاستثمار بالأسهم الخاصة، أو على قولته «برايفت إكويتي»، ثم دخلوا على موضوع الأخ الكبير ودوره في التربية، وقرّر يصارحنا أسامة عن قصة طموحه الرياضي في الاحتراف برياضة الإسكواش مع نادي القادسية قبل ما يُقمع من أخوه محمد. وطالما عائلة بازيد حضرت، حضر معها موضوع الطيارات والطيران، فإذا كان عندك أسئلة زي عبادي عن الدرجة السياحية…

تجيك أفكار رهيبة في الأحلام؟

09 سبتمبر 2026
2:17:03

لأول مرة، بودكاست وش كنا نقول يعرفون وش يقولون، نقاش محترم ومواضيع مفيدة. بدأت السواليف مع ضيفنا المحتقن من الموسم الماضي، الدب اللي لابس أسود، نعم إنه أبو عيد.. عبّر لنا عن استياءه من اللغة العرنجية، وتركيب الجمل المضروب، والجيل اللي ما يعرف يعبّر ولا يكتب زين. وعلى النقيض: تعريب الكلمات الذكي مثل مصطلح «ذكالي»، والتعريب اللي لك عليه مثل «السنبتة» تعريب سناب شات. سولفوا عن الأفكار الرهيبة اللي تجيك وسط الحلم، وناقشوا التساؤل المتكرر: «كيف مرّت 7 سنوات على كورونا؟!»، وعلاقة هالموضوع بنظرية ضغط ا…

هل تعاني من أزمة منتصف العمر؟

02 سبتمبر 2026
1:55:34

أيش ردة فعلك لو قرّر فنانك المفضّل الاعتزال؟ هل تتبع نهج داليا مبارك: «اللي يمشي.. يمشي عادي»؟ سولفوا عبادي وأسامة مع ضيوفنا: خالد عبدالعزيز وإبراهيم الخيرالله، عن الوسط الفنّي وعلاقته باعتزالات الفنّانين، مثل اعتزال داليا مبارك، واعتزال طارق العلي المزيّف. وبما أنّ ضيوفنا من القامات الكبيرة، وما يحتاح نحدّد «كبيرة» من أي ناحية.. سولفوا عن أزمة منتصف العمر والمراهقة المتأخرة، وعلاقتهم بمقالب الثلاثين. شاركوا تجاربهم في آخر الأفلام اللي حضروها، منها فلم «شارك أتاك» (Shark Attack)، والفلم السعودي …

مين يسمّي المواسم: طبّاخ التمر ومقرقع البيبان

26 أغسطس 2026
1:40:34

مين قرر أن موسم عزّ الحر اسمه «جمرة القيظ» أو «طبّاخ التمر»؟ وأيش سبب تسمية المواسم عمومًا.. «بيّاع الخبل عباته» و«مقرقع البيبان» و«مبكي الحصني» وهاتك من هالتسميات. سولفوا عبادي وأسامة عن أغرب ترندات الأسبوع، مثل كوكب «برَق برَق» النسائي، ومطالبة عبادي بكوكب رجالي سمّاه «بوخ بوخ»! –عزّزوا له لا يزعل ويكنسل البودكاست–. سولفوا عن عودة دوري روشن والدوري الإسباني والإنقليزي، وترند نطّة العالم اللي فسّرها ناصر لهم وشرح قصتها والشخص اللي وراها، وناقشوا موضوع مسابقة ناسا وجائزة 500 ألف دولار للي يحل مش…

سفرة أسامة وعبادي إلى تايلند وقصة النصب

19 أغسطس 2026
1:18:29

أخيرًا، رجع بودكاست وش كنّا نقول! رجعنا لكم مشتاقين بعد فترة التوقّف، بدينا الموسم الجديد على طول بآخر أخبار أسامة وعبادي، وسمعنا منهم وش صار لهم خلال هالفترة، ونبشّركم.. لقيناهم على حطّة يدكم، ما تغيّر ولاااا شيء. أخيرًا، رجع بودكاست وش كنّا نقول! رجعنا لكم مشتاقين بعد فترة التوقّف، بدينا الموسم الجديد على طول بآخر أخبار أسامة وعبادي، وسمعنا منهم وش صار لهم خلال هالفترة، ونبشّركم.. لقيناهم على حطّة يدكم، ما تغيّر ولاااا شيء. أسامة وده يسولف عن المطارات بس قمعناه، وعبادي ما شاورنا خير شر وسولف ع…

الحلقة الأخيرة

11 مارس 2026
1:16:52

آخر حلقة… نعم نقولها بالفمّ الحزين. في وداعية الموسم الأول، شرّفونا ضيوف من العيار الثقيل! تكلمنا عن أسرار البودكاست اللي ما قد انقالت، مثل سرّ الكنبة البرتقالية، وهل الوضع تمثيل ولّا لا. ثم سولفنا عن مواضيع لا تمتّ للطيارات وحقوق المستهلك بصلة، مثل تبهير السوالف، والناس اللي تسولف عن نفسها بالضمير الغائب، واللي يستفزونك بأخطاء إملائية، وتصعيد الآباء على استهلاك المناديل، وهلمّ جرًا. ونبشّركم… ترا صوتكم مسموع! قرينا تعليقاتكم –وشرشحنا أسامة وعبادي شوي فيها–. أخيرًا: لن نقول وداعًا… بل إلى لقاء آ…

من يرجّع لنا الأيام الخوالي

04 مارس 2026
1:13:48

ما راح تعرفون عبادي في هذي الحلقة، طاقّ الترسيمة ومعطيها الشخصية الشتوية الرسمية، بس اصبروا عليه 5 دقايق ويرجع عبادي لشخصيّته القديمة. سولفوا أسامة وعبادي عن الأشخاص اللي يحاولون يفوزون على البرد ويثبتون قوّة تحملهم لين يقلب لونهم أزرق وتتراقص أسنانهم، ثم حوّلوا على الحنين للماضي وأجواء رمضان والعيد زمان، من ملاحقة سيارة رش المبيدات الحشرية، للعب الحواري مع الجيران، وصلاة العيد في مصلى العيد. وأخيرًا ختمها المعاون ناصر بفقرة اختبار وش كثر يعرفون باب الحارة، كونه من الذكريات اللي حنّوا لها، وأحده…

المسامح كريم ولّا مأكول حقّه؟

25 فبراير 2026
1:16:06

شرّفنا يزيد الموسى من وراء علم أسامة صالح، بس بيحاول يصلّح العلاقات. ومن البداية استلموه عبادي وأسامة على دقنه وشعره، بالمقابل قرّر يزيد يمسك نفسه لأننا في رمضان. أمّا أسامة قرر يغيّر «اللوك»، وراح لأطرف شيء عنده، فعلًا «أطرف شيء»… وقرر يلبس خاتم «أورا» يقول أنه مب عشان «الستايل»، بس عشان قياس النوم والصحة، عاد ما ندري صدقه من كذبه راعي المقاييس. الروابط • yazed_hmd — حساب يزيد الموسى على إنستقرام. • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. • aalrowis — …

أشياء لا عمرك تسويها في رمضان

18 فبراير 2026
1:27:37

وصلت معه عبدالله الرويس على سالفة الناس اللي يبالغون في موضوع «أعراض انسحاب القهوة»، وينهارون إذا ما تسحّروا «مندي» ولّا «بخاري»، وكمّل عليها عبادي بالحركات اللي لازم تتوقّف في رمضان 1447. ثم حوّلوا على أسامة وطقطقوا على فلسفته الدقيقة «جدًا» في ترتيب سفرة رمضان، مثل مكان القشطة والتمر ومسافة بُعدهم عن القهوة أو المويه! المشكلة أنه درّس هالفلسفة عيال العائلة -الله يعظم أجرهم-. الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. • aalrowis — حساب عبدالله ا…

متى يحقّ لك تتغلّى يا سيد الغنادير؟

11 فبراير 2026
1:17:49

تصريح قوي من عبادي: «التغلّي والتشرّه آفة 2026». أمّا أسامة شعللها سوالف حريقة، من قصته اللي تفشّل مع سواق أوبر وصوت الطنين المزعج، للحدث المرعب اللي صار له مع الفندق في سفرة عائلية. وبين هذا وذاك، بيسولفون عن التصرفات الغريبة اللي تجي من الطفشان، واللي سوّاها أسامة في نص الحلقة صوت وصورة. الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. ــــ • اسمع الموسم الجديد من بودكاست «أصوات» على راديو ثمانية. • تابع أخبار الكرة وسياقاتها أولًا بأول في نشرة «مصدر…

متى تصير الصراحة تنمّر؟

04 فبراير 2026
1:24:48

تمدح سيارة خويّك وتبنشر! في هذه الحلقة، قرر عبادي يفتح ملف العين والحسد، برفقة عبدالعزيز الهديان اللي يعطينا الترقيعة المناسبة لما أحد يتهمك أنك عطيته عين! والخيط الرفيع بين الصديق اللي يمدحك وهو يتمنى لك الخير، وبين الحاسد لما يمدحك، والورطات الاجتماعية اللي مالها مخرج! الروابط • ihajay — حساب عبادي حجّاي على إنستقرام. • osamabz — حساب أسامة بازيد على إنستقرام. • alhudian — حساب عبدالعزيز الهديان على إنستقرام. ــــ • اسمع الموسم الجديد من بودكاست «أصوات» على راديو ثمانية. • تابع أخبار الكرة وسي…

بودكاست

Comments & Reviews0