
جلسة صحاب
فريده وسلمى .. أصحاب اولاً وأخصائيين نفسيين ثانياً بنتكلم من القلب عن رحلة العلاج النفسي من أول خطوة لحد ما تحس إنك مرتاح في حياتك ومرتب من جواك.بنكسر الصورة النمطية عن الثيرابي، وبنحاول نخلي الكلام عن المشاكل النفسية طبيعي وسهل وبسيط زي أي قعدة صحاب.سواء لسه بتفكر تبدأ رحلتك العلاجية أو بدأت ومش مرتاح… أو حتى خلصت ورجعت تاني، إحنا معاك.هنا، مفيش حلول جاهزة ولا كلام تنظير… بس فيه تجارب،وصدق، وأمانتابعونا فى بودكاست جلسة صحاب
آخر الحلقات
الحلقة الأخيرة من الموسم الثاني- الأدوية النفسية مع دكتور أحمد الصفتي
في الحلقة دي بنتكلم عن الأدوية النفسية بشكل واضح وبسيط مع د. أحمد الصفتي. بنناقش إمتى بنحتاجها فعلًا، وإزاي بتشتغل، كمان بنرد على أسئلة كتير بتدور في بال الناس… هل الأدوية بتغيّر الشخصية؟ هل ممكن نوقفها في أي وقت؟ وإزاي نستخدمها بشكل آمن وتحت إشراف طبي؟ جلسة مهمة بتفك الخوف حوالين العلاج الدوائي… وتقربنا لفهم أهدى وأصدق للصحة النفسية.
الحلقة الحادية عشر عن الأطفال والتربية مع أمينة دياب
في الحلقة الحادية عشر من جلسة صحاب – الموسم الثاني، بنستضيف أمينة دياب الحقيقة إن تربية الأطفال مش بس إننا نعلّمهم الصح من الغلط، أو نحط لهم قواعد وحدود، لكنها كمان إننا نفهم مشاعرهم واحتياجاتهم، ونقدر نوفّر لهم بيئة آمنة يقدروا فيها يعبّروا عن نفسهم من غير خوف. لكن عشان نقدر نفهم أولادنا ونساعدهم، محتاجين نفهم نفسنا الأول، ونراجع تأثير مشاعرنا وطريقة تعاملنا وعلاقاتنا على صحتهم النفسية، لأن أطفالنا بيتعلّموا مننا مش بس بالكلام، لكن كمان من الطريقة اللي بنتعامل بيها مع نفسنا ومع بعض. وعشان نتكلم…
عاشر حلقة من جلسة صحاب عن الفقد مع منة عبدالوهاب
في عاشر حلقة من جلسة صحاب – الموسم الثاني، بنستضيف منة عبدالوهاب الفقد من أصعب التجارب الإنسانية، لكنه مش دايمًا بيكون مرتبط بالموت. ممكن نفقد شخص، علاقة، حلم، وظيفة، أو حتى نسخة قديمة من نفسنا. وفي كل مرة، بنعيش رحلة مختلفة من المشاعر والأسئلة. في الحلقة دي بنتكلم عن معنى الفقد، وأشكاله المختلفة، وإزاي بيأثر علينا نفسيًا وجسديًا. بنفهم مراحل الحزن، وليه كل شخص بيعيش تجربة الفقد بطريقته، وإزاي نقدر ندعم حد بيمر بالفترة دي من غير ما نقلل من مشاعره أو نستعجل تعافيه. كمان بنتناقش عن صعوبة التعبير ع…
جسمك مش عدوك في تاسع حلقة مع محمود زكي
في حلقة مهمة بنفتح فيها موضوع حساس ومؤثر جدا: علاقتنا بشكل جسمنا وازاي الصورة اللي بنشوف بيها نفسنا ممكن تقود لعادات وافكار بتأثر على الاكل والصحة النفسية.بنبدأ من مفهوم Body Image وازاي بيتكون، ونفهم علاقته باضطرابات الاكل، وبعدين نناقش المفاهيم الغلط المنتشرة عن الاكل في ثقافتنا، وتأثير التعليقات على الشكل سواء من العيلة او المجتمع او حتى السوشيال ميديا اللي بتغير معايير الجمال باستمرار.كمان بنوضح علامات اضطرابات الاكل، وامتى نقلق على حد قريب مننا، وازاي نتعامل معاه بشكل صحيح من غير ضغط او احك…
مش كل زعل اكتئاب فى حلقتنا الثامنة مع د/ رنا هيبه
في ثامن حلقة من جلسة صحاب – الموسم الثاني، بنستضيف د/ رنا هيبة وبنتكلم فيها عن واحد من اكتر المواضيع اللي حوالينا بس ساعات بنخاف نسميه باسمه الحقيقي: الاكتئاب امتى الحزن الطبيعي بيقف ونبدأ نقول ان في حاجة اكبر؟ وازاي نفرق بين زعل عادي وبين اكتئاب محتاج فهم ومساعدة؟ الحلقة بتاخدنا خطوة خطوة من الفرق بين الحزن والاكتئاب، لاعراضه، ولما التشخيص يبقى مهم ومفيد مش مجرد تسمية. كمان بنتكلم عن ليه بعض الناس بيبقوا اكثر عرضة للاكتئاب، وايه العوامل اللي ممكن تساهم فيه، من البيولوجي للنفسي لحد الاجتماعي وال…
حلقتنا السابعة مع د/ نور زكي عن صحة الأم النفسية
في الحلقة السابعة من جلسة صحاب – الموسم الثاني بنتكلم عن رحلة الأم النفسية طوال رحلة الحمل، والتغيرات اللي ممكن تمر بيها على مستوى المشاعر والأفكار والعلاقة بطفلها. بنتكلم عن الفرق بين القلق الطبيعي والقلق اللي محتاج انتباه أكتر، وتأثير الضغوط النفسية على الأم والجنين، وكمان بنفهم أكتر الاضطرابات النفسية اللي ممكن تواجهها المرأة خلال فترة الحمل وبعد الولادة. وناقشنا تأثير السوشيال ميديا والمقارنات وضغط المجتمع على الأمهات، ومعنى التعلق الآمن بين الأم والطفل، وإزاي بيتكون من أول أيام الحياة. كمان…
حلقتنا السادسة مع سارة عزيز عن البيت والعيلة
في سادس حلقة من جلسة صحاب – الموسم الثاني، بنستضيف سارة عزيز في حلقة عن العيلة… وتأثيرها العميق على شخصياتنا، علاقاتنا، وطريقتنا في فهم نفسنا. اتكلمنا عن يعني ايه “عيلة” فعلًا، وإزاي النشأة بتأثر على الطفل من أول سنين حياته، وإيه العلامات اللي ممكن تقول إن العيلة صحية وآمنة نفسيًا. دخلنا كمان في فكرة الحدود بأنواعها المختلفة، وعلاقتها بلغات الحب الخمسة، وإزاي غياب الحدود أو عدم وضوح الأدوار والمسؤوليات داخل البيت ممكن يخلق مشاكل بنفضل شايلينها معانا لسنين. واتناقشنا عن أهمية علاقة الأب والأم كأس…
المدرسة السيكوديناميكية... حلقتنا الخامسة مع كريستينا ميخائيل
في الحلقة الخامسة بنتكلم عن المدرسة السيكوديناميكية مع كريستينا ميخائيل. بنقرب من فكرة إن في جزء كبير من مشاعرنا وسلوكنا بييجي من حاجات مش واعيين بيها. بنفهم إزاي تجاربنا القديمة بتسيب أثر جوانا… وإزاي الأثر ده ممكن يظهر في علاقاتنا وردود أفعالنا من غير ما ناخد بالنا. بنتكلم كمان عن اللاوعي… والدفاعات النفسية… وإزاي العقل أحيانًا بيحاول يحمينا بطرق ممكن تبان غريبة أو غير مفهومة.
هو أنا حاسس بإيه؟ مفاتيح فهم المشاعر مع ليلة محمود
في جلستنا هنتكلم سوا عن المشاعر… إزاي بنحس، وليه أوقات بنلخبط بينها أو نهرب منها. هنقرب لفهم المشاعر الأساسية، وإزاي بتظهر جوانا، وليه أوقات بنحس بحاجة ومش عارفين نسميها. جلسة هادية وصادقة… يمكن تخلّيك أقرب لنفسك شوية. عن ضيفتنا ليله محمود هي أخصائية نفسية حاصلة على ماجستير في علم النفس الإكلينيكي، وبتشتغل مع البالغين في رحلتهم لفهم نفسهم والتعامل مع مشاعرهم بشكل أعمق. شغلها بيعتمد على أساليب علمية زي العلاج المعرفي السلوكي (CBT)، والعلاج الجدلي السلوكي (DBT) مع تركيز كبير على إن كل شخص له تجربت…
وسائلنا المدمرة للتعامل مع الألم .. مع د/ أحمد طارق فى الحلقة الثالثة
في ثالث حلقة من جلسة صحاب – الموسم الثاني، بنستضيف د/ أحمد طارق في الحلقة دي بنتكلم عن موضوع المخدرات بنقرب من فكرة ليه وازاي الناس بتجرب، وإيه اللي بيخلي الموضوع يكمل ويكبر. واللحظة اللي ممكن الواحد فيها يحس إنه فقد السيطرة. بنحاول نفهم مش بس السلوك، لكن اللي وراه… الإحساس، والاحتياج. الحلقة دي مش وعظ، لكن محاولة نفهم الصورة كاملة، وإزاي ممكن يطلب المساعدة عن ضيفنا أحمد طارق هو معالج نفسي حاصل على دكتوراه في علم النفس الإكلينيكي، وماجستير في نفس التخصص، بالإضافة إلى دبلومة تخصصية في علاج الإدما…
صحتنا من صحة علاقتنا.. حلقتنا الثانية مع شيري بطرس
في الحلقة دي بنتكلم عن العلاقات… مش بس شكلها من بره، لكن اللي بيحصل جوانا واحنا فيها. بنتكلم عن الاختيار، التعلّق، الخلافات، إزاي بنحب؟ وإزاي بنختلف؟ وإمتى الخناقة بتكون محاولة للفهم… مش للهجوم بنقرب من فكرة العلاج الزوجي، وإزاي ممكن يساعدنا نسمع بعض بشكل أوضح، ونفهم نفسنا قبل ما نحاول نغيّر اللي قدامنا. بنحاول نبص على نفسنا بهدوء أكتر، ونفهم اللي جوانا وإحنا في علاقة عن ضيفتنا شيرى بطرس أخصائية نفسية إرشادية (Counseling Psychologist) ومدربة صحة نفسية، حاصلة على ماجستير في علم النفس الإرشادي الد…
القلق ده طبيعي؟ حلقاتنا الأولى مع نورين بن حليم
في أول حلقة من جلسة صحاب – الموسم الثاني، بنستضيف نورين بن حليم هنتكلم عن إحساس كلنا مرينا بيه بشكل أو بآخر… القلق. إزاي بيظهر بطرق مختلفة من غير ما ناخد بالنا، وليه ساعات بيكون صوته أعلى مننا. بنفهم الفرق بين أشكاله المختلفة، وإزاي ممكن يبان في تفكيرنا أو حتى في جسمنا، هنقرب شوية من طرق بسيطة تساعدنا نهدّى ونفهم نفسنا أكتر جلسة هادية… يمكن تخلّي الصورة أوضح شوية عن ضيفتنا نورين بن حليم أخصائية نفسية إرشادية (Counseling Psychologist)، حاصلة على ماجستير في علم النفس الإرشادي، وبتعمل على تقديم جلس…
Episode 13 - Disorders Part 2
في الحلقة دي من جلسة صحاب، قررنا نفتح موضوع الاضطرابات النفسية. هنتكلم عن مجموعة من أشهر الاضطرابات اللي بنشوفها حوالينا كل يوم، فى جلساتنا وممكن في صاحب، في زميل شغل، أو حتى جوانا من غير ما ناخد بالنا. مش علشان نعلّق مسميات، ولا علشان نحكم، لكن علشان نفهم. لأن الفهم دايمًا هو أول خطوة في أي شفاء. هنتكلم عن اضطرابات زي القلق، الاكتئاب، الوسواس القهري وغيرها.... فريده وسلمى .. أصحاب اولاً وأخصائيين نفسيين ثانياً بنتكلم من القلب عن رحلة العلاج النفسي من أول خطوة لحد ما تحس إنك مرتاح في حياتك ومرتب…
Episode 12 - Disorders
في الحلقة دي من جلسة صحاب، قررنا نفتح موضوع الاضطرابات النفسية. هنتكلم عن مجموعة من أشهر الاضطرابات اللي بنشوفها حوالينا كل يوم، فى جلساتنا وممكن في صاحب، في زميل شغل، أو حتى جوانا من غير ما ناخد بالنا. مش علشان نعلّق مسميات، ولا علشان نحكم، لكن علشان نفهم. لأن الفهم دايمًا هو أول خطوة في أي شفاء. هنتكلم عن اضطرابات زي القلق، الاكتئاب، الوسواس القهري وغيرها....
Episode 11 - The End
الجلسات يمكن تنتهي، والمقابلات مع المعالج بتقف عند نقطة ما، لكن الأثر الحقيقي يبدأ بعدها… يكمّل فيك، في طريقة استجابتك، في اختياراتك اليومية، في قدرتك على حماية حدودك والتعبير عن احتياجاتك من غير خوف أو ذنب. الختام مش وداع… الختام هو انتقال. انتقال من الاعتماد على وجود شخص يمسك بإيدك، إلى إنك تكون أنت الشخص اللي يمسك بإيد نفسه. ومن مساحة علاج مغلقة، إلى حياة مفتوحة فيها مسؤولية، نضج، وتطبيق لكل اللي اتعلّمته. العلاج بينتهي، لكن الرحلة مش بتخلص… لأنها رحلة مع نفسك، ومع وعيك، ومع قدرتك على النمو ك…
Epsiode 10 - The Tools
كلنا بنمر بلحظات صعبة، مواقف بتتعبنا نفسيًا، وضغوط بتخلينا نحس إننا مش قادرين نكمّل. في الحلقة دي، بنتكلم عن المهارات اللي بتساعدنا نواجه الحياة من غير ما نغرق في التوتر أو القلق. إزاي نهدّى نفسنا؟ نعيد التفكير في الموقف؟ ونتعامل مع الصعب بدل ما نهرب منه؟ هنتكلم عن مهارات التعايش اللي بتخلي الحياة أهون، وتخلينا نكمّل بخطوات ثابتة حتى لما الظروف تبقى ضدنا. #بودكاست_جلسة_صحاب
Episode 9 - The Plateau
في الحلقة دي بنتكلم عن حاجة ناس كتير بتواجهها في العلاج النفسي: تبدأ بحماس وبعدين تزهق أو تحس إن مفيش تغيير! طب ليه ده بيحصل؟ وإزاي الاستمرارية هي اللي فعلاً بتخلّي العلاج يجيب نتيجته؟ هنحكي عن الأيام اللي بتكون صعبة، وإزاي نكمّل حتى لما نحس إننا واقفين في نفس المكان. #بودكاست_جلسة_صحاب
Episode 8 - The Connection
ليه ساعات بنزهق فى نص السكه؟ في الحلقة دي بنتكلم عن حاجة ناس كتير بتواجهها في العلاج النفسي: تبدأ بحماس وبعدين تزهق أو تحس إن مفيش تغيير! طب ليه ده بيحصل؟ وإزاي الاستمرارية هي اللي فعلاً بتخلّي العلاج يجيب نتيجته؟ هنحكي عن الأيام اللي بتكون صعبة، وإزاي نكمّل حتى لما نحس إننا واقفين في نفس المكان. #بودكاست_جلسة_صحاب
Epsidoe 7 - The Session
أول جلسة علاج نفسي دايمًا بتكون مليانة مشاعر وأسئلة! في الحلقة دي بنحكيلك إزاي تبدأ، وإيه اللي ممكن تتوقعه عشان تبقى جاهز ومستريح #بودكاست_جلسة_صحاب
Episode 6 - The Selection
الحلقة السادسة من بودكاست جلسة صحاب العلاج النفسي مش مقاس واحد يناسب الكل إزاي تلاقي المعالج النفسي المناسب ليك؟ #بودكاست_جلسة_صحاب





